2016 jylǵy 28 qańtar Almaty qalasy
Qazaqstan Respýblıkasy Ulttyq Bankiniń aqsha-kredıt saıasatyn iske asyrý
sheńberinde aýksıondar ótkizý qaǵıdalaryn bekitý týraly
«Qazaqstan Respýblıkasynyń keıbir zańnamalyq aktilerine ekinshi deńgeıdegi bankterdiń jumys istemeıtin kredıtteri men aktıvteri, qarjylyq qyzmetter kórsetý jáne qarjy uıymdary men Qazaqstan Respýblıkasy Ulttyq Bankiniń qyzmeti máseleleri boıynsha ózgerister men tolyqtyrýlar engizý týraly» 2015 jylǵy 24 qarashadaǵy Qazaqstan Respýblıkasynyń Zańyn iske asyrý maqsatynda Qazaqstan Respýblıkasy Ulttyq Bankiniń Basqarmasy qaýly etedi:
1. Qosa berilip otyrǵan Qazaqstan Respýblıkasy Ulttyq Bankiniń aqsha-kredıt saıasatyn iske asyrý sheńberinde aýksıondar ótkizý qaǵıdalary bekitilsin.
2. Osy qaýlyǵa qosymshaǵa sáıkes tizbe boıynsha Qazaqstan Respýblıkasy normatıvtik quqyqtyq aktileriniń kúshi joıyldy dep tanylsyn.
3. Monetarlyq operasııalar jáne aktıvterdi basqarý departamenti (Moldabekova Á.M.) Qazaqstan Respýblıkasynyń zańnamasynda belgilengen tártippen:
1) Quqyqtyq qamtamasyz etý departamentimen (Sársenova N.V.) birlesip osy qaýlyny Qazaqstan Respýblıkasynyń Ádilet mınıstrliginde memlekettik tirkeýdi;
2) osy qaýlyny «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna:
Qazaqstan Respýblıkasynyń Ádilet mınıstrliginde memlekettik tirkelgeninen keıin kúntizbelik on kún ishinde «Ádilet» aqparattyq-quqyqtyq júıesinde resmı jarııalaýǵa;
Qazaqstan Respýblıkasynyń Ádilet mınıstrliginde memlekettik tirkelgennen keıin ony Qazaqstan Respýblıkasynyń Ulttyq Banki alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń memlekettik tizilimine, Qazaqstan Respýblıkasy normatıvtik quqyqtyq aktileriniń etalondyq baqylaý bankine engizýge jiberýdi;
3) osy qaýly resmı jarııalanǵannan keıin ony Qazaqstan Respýblıkasy Ulttyq Bankiniń resmı ınternet-resýrsyna ornalastyrýdy qamtamasyz etsin.
4. Halyqaralyq qatynastar jáne jurtshylyqpen baılanys departamenti (Qazybaev A.Q.) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde merzimdi baspasóz basylymdarynda resmı jarııalaýǵa jiberýdi qamtamasyz etsin.
5. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary Ǵ.O. Pirmatovqa júktelsin.
6. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi jáne 2016 jylǵy 1 aqpannan bastap týyndaǵan qatynastarǵa qoldanylady.
Ulttyq Bank Tóraǵasy D.AQYShEV
Qazaqstan Respýblıkasy Ulttyq Banki Basqarmasynyń 2016 jylǵy 28 qańtardaǵy
№ 21 qaýlysyna qosymsha
Tizbe
1. «Qazaqstan Respýblıkasy Ulttyq Bankiniń qysqamerzimdi nottaryn shyǵarý, ornalastyrý, aınalysqa shyǵarý jáne óteý qaǵıdalary men talaptaryn bekitý týraly» Qazaqstan Respýblıkasy Ulttyq Banki Basqarmasynyń 2005 jylǵy 15 qyrkúıektegi № 108 qaýlysy (Normatıvtik quqyqtyq aktilerdi memlekettik tirkeý tiziliminde № 3894 tirkelgen).
2. «Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasy Ulttyq Bankiniń qysqa merzimdi notalaryn shyǵarý, ornalastyrý, aınalysqa shyǵarý jáne óteý erejesin bekitý týraly» 2005 jylǵy 15 qyrkúıektegi № 108 qaýlysyna ózgerister men tolyqtyrýlar engizý týraly» Qazaqstan Respýblıkasy Ulttyq Banki Basqarmasynyń 2008 jylǵy 22 qyrkúıektegi № 73 qaýlysy (Normatıvtik quqyqtyq aktilerdi memlekettik tirkeý tiziliminde № 5349 tirkelgen).
3. «Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasy Ulttyq Bankiniń qysqa merzimdi notalaryn shyǵarý, ornalastyrý, aınalysqa shyǵarý jáne óteý erejesin bekitý týraly» 2005 jylǵy 15 qyrkúıektegi № 108 qaýlysyna ózgerister men tolyqtyrý engizý týraly» Qazaqstan Respýblıkasy Ulttyq Banki Basqarmasynyń 2010 jylǵy 29 jeltoqsandaǵy № 117 qaýlysy (Normatıvtik quqyqtyq aktilerdi memlekettik tirkeý tiziliminde № 6036 tirkelgen).
4. «Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasy Ulttyq Bankiniń qysqa merzimdi notalaryn shyǵarý, ornalastyrý, aınalysqa shyǵarý jáne óteý erejesin bekitý týraly» 2005 jylǵy 15 qyrkúıektegi № 108 qaýlysyna ózgerister engizý týraly» Qazaqstan Respýblıkasy Ulttyq Banki Basqarmasynyń 2012 jylǵy 24 tamyzdaǵy № 243 qaýlysy (Normatıvtik quqyqtyq aktilerdi memlekettik tirkeý tiziliminde № 7981 tirkelgen, 2012 jylǵy 14 qarashada «Egemen Qazaqstan» gazetinde № 746-751 jarııalanǵan).
5. «Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasy Ulttyq Bankiniń qysqa merzimdi notalaryn shyǵarý, ornalastyrý, aınalysqa shyǵarý jáne óteý erejesin bekitý týraly» 2005 jylǵy 15 qyrkúıektegi № 108 qaýlysyna ózgerister men tolyqtyrýlar engizý týraly» Qazaqstan Respýblıkasy Ulttyq Banki Basqarmasynyń 2014 jylǵy 24 jeltoqsandaǵy № 252 qaýlysy (Normatıvtik quqyqtyq aktilerdi memlekettik tirkeý tiziliminde № 10220 tirkelgen, 2015 jylǵy 15 sáýirde «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde jarııalanǵan).
Qazaqstan Respýblıkasy Ulttyq Banki Basqarmasynyń 2016 jylǵy 28 qańtardaǵy
№ 21 qaýlysymen bekitilgen
Qazaqstan Respýblıkasy Ulttyq Bankiniń aqsha-kredıt saıasatyn iske asyrý
sheńberinde aýksıondar ótkizý qaǵıdalary
1. Jalpy erejeler
1. Osy Qazaqstan Respýblıkasy Ulttyq Bankiniń aqsha-kredıt saıasatyn iske asyrý sheńberinde aýksıondar ótkizý qaǵıdalary (budan ári – Qaǵıdalar) «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna (budan ári – Ulttyq Bank týraly zań) sáıkes ázirlendi jáne Qazaqstan Respýblıkasy Ulttyq Bankiniń (budan ári – Ulttyq Bank) Qazaqstan Respýblıkasynyń memlekettik aqsha-kredıt saıasatyn (budan ári – aqsha-kredıt saıasaty) iske asyrý sheńberinde aýksıondar ótkizý tártibin aıqyndaıdy.
2. Aqsha-kredıt saıasatynyń maqsattaryna sáıkes ótimdilikti berý jáne alý úshin Ulttyq Bank mynadaı aýksıon túrlerin ótkizedi:
1) baǵaly qaǵazdardy keri sata otyryp satyp alý aýksıony;
2) baǵaly qaǵazdardy keri satyp ala otyryp satý aýksıony;
3) Ulttyq Banktiń qysqamerzimdi nottarynyń aýksıony;
4) depozıttik aýksıon.
3. Qaǵıdalarda 1999 jylǵy 1 shildedegi Qazaqstan Respýblıkasynyń Azamattyq kodeksinde (Erekshe bólim) kózdelgen uǵymdar, sondaı-aq mynadaı uǵymdar paıdalanylady:
1) aýksıonǵa qatysýshy – ortalyq depozıtarııdiń deponenti bolyp tabylatyn, baǵaly qaǵazdardy keri sata otyryp satyp alý aýksıony (budan ári – aýksıon) jáne baǵaly qaǵazdardy keri satyp ala otyryp satý aýksıony nysanyndaǵy saýda-sattyqqa qatysýshy bolyp tabylatyn ekinshi deńgeıdegi bank;
2) baǵaly qaǵazdardy satý mámilesiniń oryndalǵan kúni – Ulttyq Banktiń aýksıonǵa qatysýshyǵa baǵaly qaǵazdardy satqan kúni;
3) baǵaly qaǵazdardy satyp alý mámilesiniń oryndalǵan kúni – Ulttyq Banktiń aýksıonǵa qatysýshydan baǵaly qaǵazdardy satyp alatyn kúni;
4) bastapqy agent – ekinshi deńgeıdegi bank, biryńǵaı jınaqtaýshy zeınetaqy qory, Qazaqstan Respýblıkasy poshta baılanysynyń ulttyq operatory, depozıtterge mindetti kepildik berýdi júzege asyratyn uıym, memlekettik áleýmettik saqtandyrý qory, ekinshi deńgeıdegi bankterdiń kredıttik portfelderiniń sapasyn jaqsartýǵa mamandanǵan uıym jáne Ulttyq Banktiń Rezervtik Ortalyǵynyń ǵımaratyn salýǵa baǵyttalǵan is-sharalardy júzege asyratyn uıym;
5) básekeles usynysy bar ótinim – aýksıonǵa qatysýshynyń baǵa kórsetilgen ótinimi;
6) básekeles usynysy joq ótinim – aýksıonǵa qatysýshynyń baǵa kórsetilmegen ótinimi;
7) depozıttik paıyzdyq mólsherleme – Ulttyq Bankte bank salymyn ornalastyrǵan qarsy áripteske Ulttyq Bank tóleıtin paıyz;
8) derekterdi berýdiń elektrondyq júıesi – qarjylyq avtomattandyrylǵan aqparat tasymaldaý júıesi (QAATJ) nemese SWIFT – aqparat berýdiń jáne tólemder jasaýdyń halyqaralyq bankaralyq júıesi;
9) dıskonttalǵan baǵa – dıskonttaý mólsherlemesin eseptegende nomınaldyq qunnan tómen baǵa;
10) dıskonttaý mólsherlemesi – Ulttyq Bank ótkizetin aýksıonda baǵaly qaǵazdyń baǵasyn jáne kólemin esepteý úshin paıdalanylatyn paıyzdyq mólsherleme;
11) ınvestor – bastapqy agenttiń klıenti;
12) kesimdi baǵa – bastapqy agentterdiń ótinimderin qanaǵattandyrý aıaqtalatyn baǵa;
13) kesimdi mólsherleme – ótinimderdi qanaǵattandyrý aıaqtalatyn eń tómengi (baǵaly qaǵazdardy keri sata otyryp satyp alý aýksıony úshin) ne eń joǵarǵy (baǵaly qaǵazdardy keri satyp ala otyryp satý aýksıony úshin) paıyzdyq mólsherleme;
14) kiristilik mólsherlemesi – keri satý/satyp alý baǵasyn (ekinshi mámile baǵasyn) jáne keri satý/satyp alý mámilesiniń somasyn esepteý úshin paıdalynatyn, jasalatyn satyp alý/satý jáne keri satý/satyp alý mámileleriniń ólshemi;
15) qarsy áriptes – depozıttik aýksıonnyń qatysýshysy bolyp tabylatyn ekinshi deńgeıdegi bank;
16) lombardtyq tizim – Ulttyq Banktiń baǵaly qaǵazdardy keri sata otyryp satyp alý aýksıonynda jáne baǵaly qaǵazdardy keri satyp ala otyryp satý aýksıonynda satyp alýyna/satýyna ruqsat etilgen, ulttyq sáıkestendirý nómirleri kórsetilgen baǵaly qaǵazdardyń tizbesi. Lombardtyq tizimge engizilgen baǵaly qaǵazdar mynadaı talaptarǵa sáıkes keledi:
shyǵarylym Qazaqstan Respýblıkasy qor bırjasynyń saýda-sattyǵynda aınalysqa jiberilgen;
Ulttyq Banktiń baǵaly qaǵazdardy keri satqan/satyp alǵan kúninen bastap shyǵarylym ótelgenge deıin keminde 7 (jeti) jumys kúni qalǵan;
osy baǵaly qaǵazdardyń menshik ıesi men úshinshi tulǵa arasynda quqyqtyq qatynastardyń bolýyna baılanysty baǵaly qaǵazdarǵa menshik quqyǵyn shekteý salynbaǵan.
Lombardtyq tizim Ulttyq Banktiń konsýltatıvtik-keńesshi organy – Ulttyq Banktiń aqsha-kredıt saıasaty jónindegi tehnıkalyq komıtettiń usynymdary negizinde Ulttyq Bank Tóraǵasynyń buıryǵyna sáıkes bekitiledi;
17) ortasha alynǵan dıskonttalǵan baǵa – kesimdi baǵa boıynsha aýksıonda qalyptasqan Ulttyq Banktiń qysqamerzimdi nottarynyń jalpy kólemine qaraı alynǵan ortasha dıskonttalǵan baǵa;
18) ortasha alynǵan mólsherleme – kesimdi mólsherleme boıynsha aýksıonda qalyptasqan, aýksıonǵa qatysýshylardyń/bastapqy agentterdiń/qarsy áriptesterdiń qanaǵattandyrylǵan/ishinara qanaǵattandyrylǵan ótinimderiniń jalpy kólemine qaraı ortasha alynǵan paıyzdyq mólsherleme;
19) paıyzdyq mólsherleme – aýksıonǵa qatysýshyǵa tólenetin, paıyzdyq kórsetkishpen kórsetilgen soma;
20) ýákiletti bólimshe – Ulttyq Banktiń aýksıondardy ótkizýge jaýapty bólimshesi;
21) Ulttyq Banktiń qysqamerzimdi nottaryn merziminen buryn óteý – Ulttyq Banktiń baǵaly qaǵazdardyń qaıtalama naryǵynda qysqamerzimdi nottardy óteý merzimi aıaqtalǵanǵa deıin bastapqy agentpen óteý kúni, sany jáne baǵasy boıynsha aldyn ala kelisilgen tolyq nemese ishinara aınalystan shyǵarýy;
22) Ulttyq Banktiń qysqamerzimdi nottaryn satyp alý – Ulttyq Banktiń baǵaly qaǵazdardyń qaıtalama naryǵynda Ulttyq Banktiń qysqamerzimdi nottaryn óteý merzimi ótkenge deıin bastapqy agentpen Ulttyq Banktiń qysqamerzimdi nottaryn satyp alý kúni, sany jáne baǵasy boıynsha olardyń odan ári aınalysta bolý múmkindigimen aldyn ala kelisilgen satyp alýy;
23) Ulttyq Banktiń qysqamerzimdi nottaryn ústeme ornalastyrýǵa ótinim – Ulttyq Banktiń buryn shyǵarylǵan aınalystaǵy qysqamerzimdi nottaryna qosymsha ornalastyrylǵan aýksıondaǵy Ulttyq Banktiń qysqamerzimdi nottary emıssııasynyń kezeńi;
24) Ulttyq Banktiń qysqamerzimdi nottaryn ústeme ornalastyrý talaptary – Ulttyq Banktiń qysqamerzimdi nottaryn ústeme ornalastyrýdyń, aqsha-kredıt saıasatynyń maqsattaryna sáıkes Ulttyq Bank aıqyndaıtyn jáne jarııalaıtyn jáne ústeme ornalastyrý kúninen, aınalysta bolý merziminen, óteý kúninen, ústeme ornalastyrý kóleminen, ótinimdi qanaǵattandyrý talaptarynan, aqy tóleý kúninen, ústeme ornalastyrý nysanynan turatyn talaptar;
25) Ulttyq Banktiń qysqamerzimdi nottaryn shyǵarý jáne ornalastyrý talaptary – aqsha-kredıt saıasatynyń maqsattaryna sáıkes Ulttyq Bank aıqyndaıtyn jáne jarııalaıtyn jáne ornalastyrý kúni, aınalysqa shyǵarý merzimi, óteý kúni, ornalastyrý kólemi, ótinimderdi qanaǵattandyrý talaptary, tólem jasaý kúni, ornalastyrý nysany kiretin Ulttyq Banktiń qysqamerzimdi nottaryn shyǵarýdyń jáne ornalastyrýdyń talaptary;
26) Bloomberg, Thomson Reuters júıeleri – mámileler jasaý maqsattary úshin paıdalanýshylary arasynda baılanys júzege asyrylatyn mamandandyrylǵan baǵdarlamalyq qamtamasyz etýler men jabdyqtar keshenderi.
2. Baǵaly qaǵazdardy keri sata otyryp satyp alý aýksıonyn ótkizý tártibi
4. Aýksıonǵa qatysýshy Qaǵıdalarǵa 1-qosymshaǵa sáıkes nysan boıynsha aýksıon nátıjeleri boıynsha baǵaly qaǵazdardy keri sata/satyp ala otyryp satyp alý/satý jóninde mámileler jasaý tártibi týraly kelisim (budan ári – Kelisim) jasaıdy. Taraptardyń kelisimi boıynsha Kelisimge Qaǵıdalarǵa qaıshy kelmeıtin qosymsha talaptar engiziledi.
5. Kelisim jasaý úshin aýksıonǵa áleýetti qatysýshy Ulttyq Bankpen baǵaly qaǵazdardy keri sata/satyp ala otyryp satyp alý/satý jóninde mámileler jasaý nıeti týraly Ulttyq Bankke jazbasha suratý (budan ári – jazbasha suratý) (erkin nysanda) jiberedi.
6. Ulttyq Bank jazbasha suratýdy qaraıdy jáne Ulttyq Bankke usynylǵan kúninen bastap 14 (on tórt) jumys kúninen aspaıtyn merzimde ol boıynsha sheshim qabyldaıdy. Aýksıonǵa qatysýshynyń jazbasha suratýyn qanaǵattandyrý jáne onymen Kelisim jasaý týraly sheshimdi ýákiletti bólimsheniń basshysy ne ol bolmaǵan jaǵdaıda, onyń mindetin atqaratyn adam qabyldaıdy.
7. Baǵaly qaǵazdardy keri sata otyryp satyp alý aýksıonyna mynadaı talaptarǵa sáıkes keletin aýksıonǵa qatysýshynyń qatysýyna jol beriledi:
1) eń tómengi rezervtik talaptar normatıvteriniń oryndalýy týraly aqparat Ulttyq Bankke usynylǵan kúni qatarynan kúntizbelik úsh aı ishinde eki jáne odan da kóp ret eń tómengi rezervtik talaptar boıynsha Ulttyq Bank aldynda oryndalmaǵan mindettemelerdiń bolmaýy. Bul shekteý ákimshilik quqyq buzýshylyq týraly is boıynsha qaýlyǵa sáıkes ákimshilik quqyq buzylǵany úshin salynatyn ákimshilik aıyppul tólengen kúnge deıin qoldanylady;
2) baǵaly qaǵazdar naryǵynda brokerlik jáne/nemese dılerlik qyzmetti júzege asyrýǵa lısenzııanyń bolýy;
3) baǵaly qaǵazdardy keri sata otyryp satyp alý aýksıonyna qatysý kúni prýdensııalyq normatıvterdiń buzylýynyń bolmaýy;
4) Ulttyq Bankte ashylǵan korrespondenttik shot shartynda (sharttarynda) aýksıonǵa qatysýshy Ulttyq Bankpen operasııalar boıynsha
mindettemelerin oryndamaǵan jaǵdaıda onyń korrespondenttik shotynan Ulttyq Banktiń akseptsiz aqsha alý quqyǵyn kózdeıtin talaptyń bolýy;
5) Ulttyq Bankpen jasalǵan Kelisimniń bolýy;
6) ortalyq depozıtarııde jeke shotynyń bolýy.
8. Baǵaly qaǵazdardy keri sata otyryp satyp alý aýksıonynyń qorytyndylary boıynsha Ulttyq Bank pen aýksıonǵa qatysýshynyń arasynda jup mámileler jasalady:
1) Ulttyq Banktiń baǵaly qaǵazdardy satyp alýy boıynsha (birinshi mámile, satyp alý mámilesi);
2) Ulttyq Banktiń sol baǵaly qaǵazdardy satyp alý mámilesinen keıin belgili bir merzimde keri satýy boıynsha (ekinshi mámile, keri satý mámilesi).
9. Baǵaly qaǵazdardy keri sata otyryp satyp alý aýksıonynyń obektisi Qaǵıdalarǵa 2-qosymshaǵa sáıkes baǵaly qaǵazdardy keri satý baǵasyn esepteýge arnalǵan formýla boıynsha keri satý mámilesiniń baǵasyn aıqyndaıtyn kiristilik mólsherlemesi bolyp tabylady.
10. Ýákiletti bólimshege aýksıonǵa qatysýshynyń Qaǵıdalardyń 7-tarmaǵynda kózdelgen talaptarǵa sáıkes keletini týraly aqparat usynýdy Ulttyq Banktiń mynadaı bólimsheleri júzege asyrady:
1) Ulttyq Banktiń tólem balansy, valıýtalyq retteý jáne statıstıka bólimshesi jáne Ulttyq Banktiń banktik qadaǵalaý bólimshesi (Qaǵıdalardyń 7-tarmaǵynyń 1) jáne 3) tarmaqshalary boıynsha);
2) Ulttyq Banktiń baǵaly qaǵazdar naryǵynyń sýbektilerin qadaǵalaý bólimshesi (Qaǵıdalardyń 7-tarmaǵynyń 2) tarmaqshasy boıynsha);
3) Ulttyq Banktiń qarjylyq operasııalardy qarjylyq esepke alý jáne monıtorıngi bólimshesi (Qaǵıdalardyń 7-tarmaǵynyń 4) tarmaqshasy boıynsha);
4) Ulttyq Banktiń qarjylyq turaqtylyq jáne táýekelderdi basqarý bólimshesi aýksıonǵa qatysýshynyń mólsherlemelerdiń (aıyrbastaý baǵamdarynyń) aǵymdaǵy jaǵdaıǵa negizdelmegen qubylmalyǵyn arttyrýǵa ákep soǵatyn operasııalaryn taldaý bóliginde.
11. Baǵaly qaǵazdardy keri sata otyryp satyp alý aýksıonyna valıýta kody, aýksıondy ótkizý kúni jáne ótimdilik berý merzimi kórsetile otyryp biregeı sáıkestendirý nómiri (budan ári – aýksıon nómir) beriledi.
12. Baǵaly qaǵazdardy keri sata otyryp satyp alý aýksıonyn ótkizýge baılanysty, aýksıonǵa qatysýshyǵa Ulttyq Bank aıqyndaıtyn elektrondyq derekter berý júıesi arqyly beriletin aqparatta (budan ári – elektrondyq habar) mynadaı ólshemder bolady:
1) aýksıonnyń nómiri;
2) lombardtyq tizim;
3) lombardtyq tizimge engizilgen baǵaly qaǵazdardy satyp alý baǵasy (birinshi mámileniń baǵasy). Satyp alý baǵasy bir baǵaly qaǵazdyń útirden keıin tórt belgi qoıylǵan taza quny retinde (eseptelgen syıaqy qosylmaǵan) aıqyndalady;
4) ótimdilik berý merzimi (birinshi mámileni jáne ekinshi mámileni oryndaý kúni arasyndaǵy kúntizbelik kúnderdegi aıyrma);
5) ornalastyrylatyn ótimdiliktiń jarııalanǵan kólemi;
6) kiristiliktiń eń tómengi mólsherlemesi (aýksıonǵa qatysýshy suratatyn kiristilik mólsherlemesiniń eń tómengi ruqsat etilgen mólsheri).
Baǵaly qaǵazdardy keri sata otyryp satyp alý aýksıonyn ótkizýge baılanysty, elektrondyq derekter berý júıesi arqyly beriletin aqparat Ulttyq Bank paıdalanatyn baǵdarlamalyq-krıptografııalyq qorǵaý júıesiniń kómegimen shıfrlanady.
13. Tehnıkalyq sebepterge baılanysty Baǵaly qaǵazdardy keri sata otyryp satyp alý aýksıonyn ótkizýge baılanysty aqparatty elektrondyq derekter berý júıesi arqyly berý múmkin bolmaǵan jaǵdaıda osy habarlardy qaǵaz tasymaldaǵyshpen berýge ruqsat etiledi.
14. Ulttyq Bank baǵaly qaǵazdardy keri sata otyryp satyp alý aýksıonyn ótkizýge deıin keminde bir jumys kúninen keshiktirmeı aýksıonǵa qatysýshyǵa jáne ortalyq depozıtarııge lombardtyq tizimdi jáne baǵaly qaǵazdardy keri sata otyryp satyp alý aýksıonyn ótkizý týraly aqparatty habarlaıdy.
15. Lombardtyq tizimge engizilgen baǵaly qaǵazdardyń naryqtyq quny qor bırjasynyń ishki qujattarynda aıqyndalǵan dıskontqa sáıkes esepteledi.
16. Aýksıonǵa qatysýshy baǵaly qaǵazdardy keri sata otyryp satyp alý aýksıonyn ótkizý kúni Almaty qalasynyń ýaqyty boıynsha saǵat 09.00 –11.30 aralyǵynda ýákiletti bólimshege Qaǵıdalarǵa 3-qosymshaǵa sáıkes baǵaly qaǵazdardy keri sata otyryp satyp alý aýksıonǵa qatysýǵa ótinim beredi.
17. Aýksıonǵa qatysýshy baǵaly qaǵazdardy keri sata otyryp satyp alý aýksıonyna qatysý úshin básekeles jáne básekeles emes usynystary bar ótinim beredi.
Básekeles nemese básekeles emes usynystary bar bir ótinimniń eń tómengi kólemi keminde 50 000 000 (elý mıllıon) teńge bolady.
Baǵaly qaǵazdardy keri sata otyryp satyp alý aýksıony keminde eki ártúrli aýksıonǵa qatysýshydan básekeles usynysy bar eki jáne odan kóp ótinim bolǵan kezde ótkiziledi.
18. Básekeles usynystary bar ótinimde baǵaly qaǵazdyń shyǵarylymy, nomınaldyq quny jáne paıyzdyq mólsherleme kórsetiledi.
19. Básekeles emes usynystary bar ótinimde baǵaly qaǵazdyń shyǵarylymy jáne nomınaldyq quny kórsetiledi.
20. Aýksıonǵa qatysýshynyń baǵaly qaǵazdardy keri sata otyryp satyp alý aýksıonyna qabyldanǵan básekeles usynystary bar ótinimderi eń joǵarǵysynan bastap, biraq kesimdi mólsherlemeden tómen emes usynylǵan paıyzdyq mólsherlemeniń deńgeıi boıynsha retke keltiriledi jáne qanaǵattandyrylady.
21. Aýksıonǵa qatysýshynyń aýksıonǵa qabyldanǵan básekeles emes usynystary bar ótinimi baǵaly qaǵazdardy keri sata otyryp satyp alý aýksıonyn ótkizý qorytyndysy boıynsha qalyptasqan ortasha alynǵan mólsherleme boıynsha qanaǵattandyryldy.
Ortasha alynǵan mólsherlemeni esepteýdi Ulttyq Bank baǵaly qaǵazdardy keri sata otyryp satyp alý aýksıonyn ótkizý qorytyndysy boıynsha aýksıonǵa qatysýshylardyń básekeles usynysy bar qanaǵattandyrylǵan/ishinara qanaǵattandyrylǵan ótinimderi boıynsha júzege asyrady.
22. Ýákiletti bólimshe Almaty qalasynyń ýaqyty boıynsha saǵat 12.00 qaraı baǵaly qaǵazdardy keri sata otyryp satyp alý aýksıonǵa qatysýǵa ótinimderdi Qaǵıdalarǵa 4-qosymshaǵa sáıkes nysan boıynsha kelip túsken ótinimderdiń tizimine jınaqtaıdy.
Ýákiletti bólimsheniń basshysy ne ol bolmaǵan kezde onyń ornyndaǵy adam Almaty qalasynyń ýaqyty boıynsha saǵat 12.00 – 15.00 aralyǵynda baǵaly qaǵazdardy keri sata otyryp satyp alý aýksıony týraly alynǵan derekter negizinde kesimdi mólsherleme, ótinimderdi qanaǵattandyrý kólemi týraly jedel sheshim qabyldaıdy, odan keıin Qaǵıdalarǵa 5-qosymshaǵa sáıkes nysan boıynsha kelip túsken ótinimderdiń jıyntyq vedomosyna qol qoıady.
23. Ýákiletti bólimshe kesimdi mólsherleme jáne qanaǵattandyrylǵan ótinimder kólemi týraly aqparat negizinde baǵaly qaǵazdardy satyp alý jáne keri satý mámilesin jasaıdy jáne aýksıonǵa qatysýshyǵa Qaǵıdalarǵa 6-qosymshaǵa sáıkes nysan boıynsha baǵaly qaǵazdardy keri sata otyryp satyp alý aýksıonynyń nátıjeleri týraly habarlama beredi.
24. Ulttyq Bank ol júrgizip otyrǵan aqsha-kredıt saıasatynyń baǵyttary jáne qarjy naryǵynyń konıýnktýrasyna sáıkes aýksıonnyń talaptaryn jedel ózgertedi (jarııalanǵan ornalastyrý kólemin ulǵaıtady, jarııalanǵan ornalastyrý kólemin azaıtady, aýksıondy ótkizbeıdi).
25. Aýksıonǵa qatysýshyǵa Qaǵıdalarǵa 6-qosymshaǵa sáıkes nysan boıynsha baǵaly qaǵazdardy keri sata otyryp satyp alý aýksıonynyń nátıjeleri týraly habarlamany Ulttyq Bank aýksıon tolyq aıaqtalǵannan keıin, biraq Almaty qalasynyń ýaqyty boıynsha saǵat 16.00 keshiktirmeı ortalyq depozıtarııge jáne aýksıonǵa qatysýshyǵa jiberedi.
26. Ulttyq Bank aýksıonnyń aqsha-kredıt saıasatynyń mindetterin oryndaý úshin jetkiliksiz nátıjelerin alǵan jaǵdaıda aýksıondy ótpegen dep jarııalaıdy.
Aýksıondy ótpegen dep jarııalaý ýákiletti bólimsheniń basshysynyń ne ol bolmaǵan kezde onyń mindetin atqaratyn adamnyń ókimimen bekitiledi.
27. Ýákiletti bólimshe baǵaly qaǵazdardy keri sata otyryp satyp alý aýksıony ótkizilgen kúni Almaty qalasynyń ýaqyty boıynsha saǵat 18.00 keshiktirmeı Ulttyq Banktiń resmı ınternet-resýrsyna ótkizilgen baǵaly qaǵazdardy keri sata otyryp satyp alý aýksıonynyń qorytyndysy týraly aqparatty ornalastyrady.
28. Baǵaly qaǵazdardy keri sata otyryp satyp alý aýksıonynyń qorytyndysy boıynsha baǵaly qaǵazdardy satyp alý jáne keri satý mámileleri boıynsha esep aıyrysý ortalyq depozıtarııdiń ishki qujattaryna sáıkes júzege asyrylady.
29. Baǵaly qaǵazdardy esepke alýdy jeńildetý maqsatynda baǵaly qaǵazdar boıynsha esep aıyrysý jınaqtalǵan syıaqylar esepke alynbaǵan baǵa boıynsha júrgiziledi. Baǵaly qaǵazdar boıynsha syıaqyny osy baǵaly qaǵazdardy satqan aýksıonǵa qatysýshy alady.
30. Ortalyq depozıtarıı, qatysýshy jáne Ulttyq Bank arasynda buıryqtarmen almasý ortalyq depozıtarııdiń ishki qujattaryna sáıkes júzege asyrylady.
31. Baǵaly qaǵazdardy keri sata otyryp satyp alý aýksıonynyń qorytyndysy boıynsha jasalǵan mámileler boıynsha mindettemeler oryndalmaǵan jaǵdaıda, baǵaly qaǵazdardy keri satý mámilesi jasalǵan kúni belgilengen talaptarmen, aýksıonǵa qatysýshy mindettemelerdi oryndamaǵan kúnnen keıingi kelesi jumys kúni Ulttyq Bank ortalyq depozıtarııdiń ishki qujattaryna sáıkes ortalyq depozıtarııge baǵaly qaǵazdardy esepten shyǵarýǵa jáne Ulttyq Banktiń paıdasyna esepke jazýǵa arnalǵan buıryqty jiberedi. Mámile boıynsha mindettemeler oryndalmaǵan kúnge deıin eseptelgen baǵaly qaǵaz boıynsha jınaqtalǵan kýpondyq syıaqynyń somasy aýksıonǵa qatysýshynyń paıdasyna aýdarylady.
Ulttyq Banktiń baǵaly qaǵazdardy satyp alý jáne keri satý operasııalaryn esepke alýdy jáne tirkeýdi ortalyq depozıtarıı ortalyq depozıtarııdiń ishki qujattaryna sáıkes Ulttyq Banktiń tıisti qosalqy shotynda júrgizedi.
Eger baǵaly qaǵazdardy keri satý mámilesin júrgizý kúni jumys istemeıtin (mereke nemese demalys) kúnge sáıkes kelse, baǵaly qaǵazdardy keri satý mámilesin oryndaý keri satý kúninen keıingi birinshi jumys kúni mámile talaptaryna sáıkes júrgiziledi.
3. Baǵaly qaǵazdardy keri satyp ala otyryp satý aýksıonyn ótkizý tártibi
32. Baǵaly qaǵazdardy keri satyp ala otyryp satý aýksıonynyń qatysýshysy Ulttyq Bankpen Qaǵıdalarǵa 1-qosymshaǵa sáıkes nysan boıynsha Kelisim jasaıdy.
33. Baǵaly qaǵazdardy keri satyp ala otyryp satý aýksıonynyń qatysýshysy Kelisim jasaý úshin Ulttyq Bankke Ulttyq Bankpen baǵaly qaǵazdardy keri satyp ala otyryp satý mámilelerin jasaý nıeti týraly jazbasha suratý jiberedi.
34. Ulttyq Bank jazbasha suratýdy qaraıdy jáne Ulttyq Bankke usynǵan kúnnen bastap 14 (on tórt) jumys kúninen aspaıtyn merzimde ol boıynsha sheshim qabyldaıdy. Aýksıonǵa qatysýshynyń jazbasha suratýyn qanaǵattandyrý jáne onymen Kelisim jasaý týraly sheshimdi ýákiletti bólimsheniń basshysy ne ol bolmaǵan jaǵdaıda onyń mindetin atqarýshy adam qabyldaıdy.
35. Mynadaı talaptarǵa sáıkes keletin aýksıonǵa qatysýshyǵa baǵaly qaǵazdardy keri satyp ala otyryp satý aýksıonyna qatysýǵa ruqsat etiledi:
1) aýksıonǵa qatysýshy Ulttyq Bankke eń tómengi rezervtik talaptar normatıvteriniń oryndalǵany týraly aqparat usynǵan kúni qatarynan kúntizbelik úsh aı ishinde eń tómengi rezervtik talaptar boıynsha Ulttyq Bank aldynda eki jáne odan kóp oryndalmaǵan mindettemelerdiń bolmaýy. Osy shekteý ákimshilik quqyq buzýshylyq týraly is boıynsha qaýlyǵa sáıkes ákimshilik quqyq buzýshylyq úshin salynǵan ákimshilik aıyppul tólegen kúnge deıin qoldanylady;
2) baǵaly qaǵazdar naryǵynda brokerlik jáne/nemese dılerlik qyzmetti júzege asyrýǵa lısenzııanyń bolýy;
3) prýdensııalyq normatıvterdiń buzylmaýy;
4) Ulttyq Bankte ashylǵan korrespondenttik shot shartynda (sharttarynda) aýksıonǵa qatysýshy Ulttyq Bankpen operasııalar boıynsha mindettemelerdi oryndamaǵan jaǵdaıda onyń korrespondenttik shotynan aqshany akseptemeı alýǵa Ulttyq Banktiń quqyǵy kózdeletin talaptyń bolýy;
5) Kelisimniń bolýy;
6) ortalyq depozıtarııde jeke shottyń bolýy.
36. Baǵaly qaǵazdardy keri satyp ala otyryp satý aýksıonynyń qorytyndysy boıynsha Ulttyq Bank pen aýksıonǵa qatysýshy arasynda:
1) Ulttyq Banktiń baǵaly qaǵazdar satýy jónindegi (birinshi mámile, satý mámilesi);
2) Ulttyq Banktiń satý mámilesinen (ekinshi mámile, keri satyp alý mámilesi) keıin sol baǵaly qaǵazdardy keri satyp alýy jónindegi bir nemese birneshe jup mámile jasalady.
37. Baǵaly qaǵazdardy keri satyp ala otyryp satý aýksıonynyń obektisi Qaǵıdalarǵa 7-qosymshaǵa sáıkes baǵaly qaǵazdardy keri satyp alý baǵasyn esepteýge arnalǵan formýla boıynsha keri satyp alý mámilesiniń baǵasyn aıqyndaıtyn kiristilik mólsherlemesi bolyp tabylady.
38. Ulttyq Banktiń mynadaı bólimsheleri ýákiletti bólimshege aýksıonǵa qatysýshynyń Qaǵıdalardyń 35-tarmaǵynda kózdelgen talaptarǵa sáıkes keletini týraly aqparat usyný úshin jaýapty bolyp tabylady:
1) Ulttyq Banktiń Tólem balansy, valıýtalyq retteý jáne statıstıka bólimshesi jáne Ulttyq Banktiń banktik qadaǵalaý bólimshesi (Qaǵıdalardyń 35-tarmaǵynyń 1) jáne 3) tarmaqshalary boıynsha);
2) Ulttyq Banktiń baǵaly qaǵazdar naryǵynyń sýbektilerin qadaǵalaý bólimshesi (Qaǵıdalardyń 35-tarmaǵynyń 2) tarmaqshasy boıynsha);
3) Ulttyq Banktiń Qarjylyq operasııalardy qarjylyq esepke alý jáne monıtorıngi bólimshesi (Qaǵıdalardyń 35-tarmaǵynyń 4) tarmaqshasy boıynsha);
4) Ulttyq Banktiń Qarjylyq turaqtylyq jáne táýekelderdi basqarý bólimshesi aýksıonǵa qatysýshynyń mólsherlemelerdiń (aıyrbastaý baǵamdarynyń) aǵymdaǵy jaǵdaıǵa negizdelmegen qubylmalyǵyn arttyrýǵa ákep soǵatyn operasııalaryn taldaý bóliginde.
39. Baǵaly qaǵazdardy keri satyp ala otyryp satý jónindegi árbir aýksıonǵa valıýta kodyn, aýksıon ótkizý kúnin jáne ótimdilikti alý merzimin kórsete otyryp biregeı sáıkestendirý nómiri (budan ári – aýksıonnyń nómiri) beriledi.
40. Baǵaly qaǵazdardy keri satyp ala otyryp satý aýksıonyn ótkizýge baılanysty jáne aýksıonǵa qatysýshyǵa Ulttyq Bank aıqyndaıtyn derekterdi berýdiń elektrondyq júıesi arqyly beriletin aqparat (budan ári − elektrondyq habar) mynadaı ólshemderdi qamtıdy:
1) aýksıonnyń nómiri;
2) alynatyn ótimdilikti alý merzimi (birinshi mámileni jáne ekinshi mámileni oryndaý kúni arasyndaǵy kúntizbelik kúnderdegi aıyrma);
3) alynatyn ótimdiliktiń jarııalanǵan kólemi;
4) kiristiliktiń eń kóp mólsherlemesi (aýksıonǵa qatysýshysy suratatyn kiristilik mólsherlemesiniń eń kóp qoljetimdi mólsheri);
5) kepil túri.
Derekterdi berýdiń elektrondyq júıesi boıynsha beriletin baǵaly qaǵazdardy keri satyp ala otyryp satý aýksıonyn júrgizýge baılanysty aqparat Ulttyq Bank paıdalanatyn baǵdarlamalyq-krıptografııalyq qorǵaý júıesiniń kómegimen shıfrlanady.
41. Baǵaly qaǵazdardy keri satyp ala otyryp satý aýksıonyn júrgizýge baılanysty aqparatty tehnıkalyq sebepter boıynsha derekterdi berýdiń elektrondyq júıesi arqyly habarlar berý múmkin bolmaǵan jaǵdaıda osy habarlardy qaǵaz tasymaldaǵyshpen berýge ruqsat etiledi.
42. Ulttyq Bank baǵaly qaǵazdardy keri satyp ala otyryp satý aýksıonyn ótkizerden buryn bir jumys kúninen keshiktirmeı bastapqy agentterge jáne ortalyq depozıtarııge baǵaly qaǵazdardy keri satyp ala otyryp satý aýksıonyn ótkizý sharttaryn habarlaıdy.
43. Qazaqstan Respýblıkasy Ulttyq Bankiniń baǵaly qaǵazdardy keri satyp ala otyryp satý aýksıony sheńberinde kepil retinde beretin baǵaly qaǵazdardyń naryqtyq quny qor bırjasynyń baǵaly qaǵazdardy baǵalaý ádistemesinde aıqyndalǵan dıskontpen esepteledi.
Baǵaly qaǵazdardy satý quny bir baǵaly qaǵazdardyń taza quny retinde (eseptelgen syıaqyny qospaı) útirden keıin tórt belgimen anyqtalady.
44. Baǵaly qaǵazdardy keri satyp ala otyryp satý aýksıonyn ótkizý kúni Almaty qalasynyń ýaqyty boıynsha saǵat 9.00 − 11.30 aralyǵynda aýksıonǵa qatysýshy Qaǵıdalarǵa 8-qosymshaǵa sáıkes nysan boıynsha baǵaly qaǵazdardy keri satyp ala otyryp satý aýksıonyna qatysýǵa ýákiletti bólimshege ótinim beredi.
45. Aýksıonǵa qatysýshy Qaǵıdalarǵa 8-qosymshaǵa sáıkes nysan boıynsha baǵaly qaǵazdardy keri satyp ala otyryp satý aýksıonyna qatysýǵa arnalǵan ótinimderdi básekeles jáne básekeles emes usynystarmen bere alady.
Básekeles jáne básekeles emes usynys bar bir ótinimniń eń az kólemi keminde 50 000 000 (elý mıllıon) teńge bolady.
Baǵaly qaǵazdardy keri satyp ala otyryp satý aýksıonyn keminde ártúrli eki qatysýshydan túsken básekeles usynysy bar eki jáne odan kóp ótinim bolǵan kezde ótkiziledi.
46. Básekeles usynystary bar ótinimde baǵaly qaǵazdardyń shyǵarylymy, nomınaldyq quny jáne paıyzdyq mólsherleme kórsetiledi.
Básekeles emes usynystary bar ótinimde baǵaly qaǵazdardyń shyǵarylymy jáne nomınaldyq quny kórsetiledi.
47. Aýksıonǵa qatysýshylardyń baǵaly qaǵazdardy keri satyp ala otyryp satý aýksıonyna qabyldanǵan básekeles usynystary retteledi jáne eń joǵarydan bastap, biraq kesimdi mólsherlemeden tómen emes usynylǵan paıyzdyq mólsherlemeniń deńgeıi boıynsha qanaǵattandyrylady.
48. Aýksıonǵa qatysýshynyń baǵaly qaǵazdardy keri satyp ala otyryp satý aýksıonyna qabyldanǵan básekeles emes usynysy aýksıon ótkizý qorytyndylary boıynsha qalyptasqan ortasha alynǵan mólsherleme boıynsha qanaǵattandyryldy. Ortasha alynǵan mólsherlemeni esepteýdi Ulttyq Bank aýksıonǵa qatysýshylardyń aýksıon ótkizý qorytyndysy boıynsha qanaǵattandyrylǵan/ishinara qanaǵattandyrylǵan básekeles usynystary boıynsha júzege asyrady.
49. Ýákiletti bólimshe Almaty qalasynyń ýaqyty boıynsha 12.00 saǵatqa qaraı baǵaly qaǵazdardy satyp alýǵa arnalǵan ótinimderdi Qaǵıdalarǵa 9-qosymshaǵa sáıkes nysan boıynsha kelip túsken ótinimderdiń jıyntyq vedomosyna jınaqtaıdy.
Ýákiletti bólimsheniń basshysy ne ol bolmaǵan kezde onyń ornyndaǵy adam Almaty qalasynyń ýaqyty boıynsha 12.00 – 15.00 saǵatta aýksıon týraly alynǵan derekter negizinde kesimdi mólsherleme, ótinimderdi qanaǵattandyrý kólemi týraly jedel sheshim qabyldaıdy, odan keıin Qaǵıdalarǵa 9-qosymshaǵa sáıkes nysan boıynsha kelip túsken ótinimderdiń jıyntyq vedomosyna qol qoıady.
50. Ýákiletti bólimshe kesimdi mólsherleme jáne qanaǵattandyrylǵan ótinimderdiń kólemi týraly aqparat negizinde baǵaly qaǵazdardy satyp alý jáne keri satý mámilelerin jasaıdy jáne aýksıonǵa qatysýshyǵa Qaǵıdalarǵa 10-qosymshaǵa sáıkes nysan boıynsha Ulttyq Banktiń baǵaly qaǵazdardy keri satyp ala otyryp satý aýksıony boıynsha ótinimderdiń qanaǵattandyrylǵan kólemi týraly habarlama beredi.
51. Ulttyq Bank júrgiziletin aqsha-kredıt saıasatynyń baǵyttaryna jáne qarjy naryǵynyń konıýnktýrasyna sáıkes baǵaly qaǵazdardy keri satyp ala otyryp satý aýksıonynyń talaptaryn (alynatyn ótimdiliktiń jarııalanǵan kólemin ulǵaıtady, alynatyn ótimdiliktiń jarııalanǵan kólemin azaıtady, aýksıondy ótkizbeıdi) jedel ózgertedi.
52. Ulttyq Bank Qaǵıdalarǵa 10-qosymshaǵa sáıkes nysan boıynsha Ulttyq Banktiń baǵaly qaǵazdardy keri satyp ala otyryp satý aýksıony boıynsha ótinimderdiń qanaǵattandyrylǵan kólemi týraly habarlamany aýksıon tolyq aıaqtalǵannan keıin, biraq Almaty qalasynyń ýaqyty boıynsha saǵat 16.00-den keshiktirmeı ortalyq depozıtarııge jáne aýksıon qatysýshysyna jiberedi.
53. Ulttyq Bank aýksıonnyń aqsha-kredıt saıasatynyń mindetterin oryndaý úshin jetkilikti emes nátıjelerin alǵan jaǵdaıda aýksıondy ótkizilmegen dep jarııalaıdy. Aýksıondy ótkizilmegen dep jarııalaý ýákiletti bólimshe basshysynyń ne ol bolmaǵan jaǵdaıda onyń mindetin atqarýshy adamnyń ókimimen bekitiledi.
54. Ýákiletti bólimshe baǵaly qaǵazdardy keri satyp ala otyryp satý aýksıony ótkizetin kúni Almaty ýaqyty boıynsha saǵat 18.00-den keshiktirmeı baǵaly qaǵazdardy keri satyp ala otyryp satý aýksıonynyń qorytyndylary týraly aqparatty Ulttyq Banktiń ınternet-resýrsyna ornalastyrady.
55. Baǵaly qaǵazdardy keri satyp ala otyryp satý aýksıonynyń qorytyndylary boıynsha baǵaly qaǵazdardy satý jáne keri satyp alý mámileleri boıynsha esep aıyrysýlar ortalyq depozıtarııdiń qaǵıdalar jıyntyǵyna sáıkes júzege asyrylady.
56. Baǵaly qaǵazdardy esepke alýdy jeńildetý maqsatynda baǵaly qaǵazdar boıynsha esep aıyrysýlar jınaqtalǵan syıaqyny esepke almaǵanda, baǵa boıynsha júrgiziledi. Baǵaly qaǵazdar boıynsha syıaqyny osy baǵaly qaǵazdardy satqan Ulttyq Bank alady.
57. Ortalyq depozıtarıı, aýksıonǵa qatysýshy jáne Ulttyq Bank arasynda buıryqtar almasý ortalyq depozıtarııdiń ishki qujattaryna sáıkes júrgiziledi.
58. Baǵaly qaǵazdardy keri satyp ala otyryp satý aýksıonynyń qorytyndylary boıynsha jasalǵan mámileler boıynsha mindettemeler oryndalmaǵan jaǵdaıda, baǵaly qaǵazdardy keri satyp alý mámilesin jasaý kúni belgilengen talaptarmen aýksıonǵa qatysýshy mindettemelerdi oryndamaǵan kúnnen keıingi jumys kúni Ulttyq Bank ortalyq depozıtarııdiń ishki qujattaryna sáıkes baǵaly qaǵazdardy Ulttyq Banktiń paıdasyna esepten shyǵarýǵa jáne aýdarýǵa arnalǵan buıryqty ortalyq depozıtarııge jiberedi.
Mámile boıynsha mindettemelerdi oryndamaý kúnine deıin eseptelgen baǵaly qaǵazdar boıynsha jınaqtalǵan kýpondyq syıaqy somasy aýksıon qatysýshysynyń paıdasyna aýdarylady.
Ulttyq Banktiń baǵaly qaǵazdardy satý jáne keri satyp alý operasııalaryn esepke alýyn jáne tirkeýin ortalyq depozıtarıı Ulttyq Banktiń tıisti qosalqy shotynda ortalyq depozıtarııdiń ishki qujattaryna sáıkes júrgizedi.
Eger baǵaly qaǵazdardy keri satyp alý mámilesin júrgizý kúni jumys istemeıtin (mereke nemese demalys) kúnge kelgen jaǵdaıda, baǵaly qaǵazdardy keri satyp alý mámilesin oryndaý mámile talaptaryna sáıkes keri satý kúninen keıingi birinshi jumys kúni júrgiziledi.
4. Ulttyq Banktiń qysqamerzimdi nottary aýksıonyn júrgizý tártibi
59. Ulttyq Banktiń qysqamerzimdi nottaryn merziminen buryn óteý jaǵdaılaryn qospaǵanda, Ulttyq Bank dıskonttalǵan baǵa boıynsha ornalastyrady, nomınaldyq quny boıynsha óteıdi.
60. Ulttyq Banktiń qysqamerzimdi nottary qarjy naryǵynda syıaqy mólsherlemelerin retteýge arnalǵan aqsha-kredıt saıasatynyń quraly bolyp tabylady.
61. Ulttyq Banktiń qysqamerzimdi notynyń nomınaldyq quny 100 (júz) teńge bolady.
62. Ulttyq Banktiń baǵaly qaǵazdar naryǵynyń sýbektilerin qadaǵalaý bólimshesi qysqamerzimdi nottardyń árbir shyǵarylymyna ulttyq sáıkestendirý nómirin beredi.
63. Ulttyq Banktiń qysqamerzimdi nottaryn ornalastyrý Qaǵıdalarǵa 11-qosymshaǵa sáıkes nysan boıynsha Ulttyq Banktiń qysqamerzimdi nottarymen operasııalardy jasaý tártibi týraly sharttyń negizinde bastapqy agentter arqyly júzege asyrylady.
64. Ulttyq Banktiń qysqamerzimdi nottar boıynsha syıaqy mólsherlemesi Ulttyq Banktiń qysqamerzimdi nottarynyń dıskonttalǵan baǵasyn